Sie sind hier: Startseite > Über mier

Über mier

Das büni...

Rita Zumwald, gebore im 1968, verhüratet, Mami vo drüne Chinn

Scho sytt myner Jugendzytt schryybeni Gedanke i Gedichtform nider. D Gedanke-Perle sy im Verlùùf vom Jahr 2012 entstane. Verschideni Begägnige ù Gsprääch hii mi inspiriert. Zytt isch sehr schnäuläbig, d Informatione fliesse dür di hüttegi Mediewäüt i grosser Mengi ù rasant dür Gsöuschaft. Jeda Mänsch isch gforderet, sich mit däne huufe Yydrück zrächt z füne, si z verarbiite ù sich da drin nid z verliere – aazcho bi sich... Schryybe isch für mier a Form dezue.

Glücklicherwyys hani a huufe trüi ù kreativi «Häufer» drùmùm, wo mier ùnderstützt hii, myner Gedanke-Perle i Buechform z veröffentliche. Da defür büni sehr dankbar.

I wetti demit aune Muet mache, o iines Trüüm z verwürkliche, a Idee umzsetze, wo am Aafang no nid möglich oder schwirig schynnt.

Mit däne Gedicht beschryybeni myni Sichtwyys vo de Wäut, myner Erfahrige ù di demit verbùnene Gfüu. I wetti mit däne Zyle zum Naadeiche ù o zù Gsprääch aarege. Villich glingt es mier, o öich z berüehre?



ISBN 978-3-033-03770-0

Allgemein